საიტის აღწერა: საქართველოს საარჩევნო ადმინისტრაციის უმაღლესი ორგანოა ცესკო, რომელიც თავისი უფლებამოსილების ფარგლებში ხელმძღვანელობს და აკონტროლებს ყველა დონის საარჩევნო კომისიებს. ცესკო შედგება არაუმეტეს 17 წევრისგან. მათ შორის არიან ცესკოს თავმჯდომარე, ცესკოს თავმჯდომარის მოადგილე და ცესკოს მდივანი. ცესკოს თავმჯდომარე იმავდროულად არის ცესკოს წევრი. ცესკოს თავმჯდომარის უფლებამოსილების შეწყვეტა იმავდროულად იწვევს მისი, როგორც ცესკოს წევრის, უფლებამოსილების შეწყვეტას. ცესკოს 7 წევრს საქართველოს ორგანული კანონით ,,საქართველოს საარჩევნო კოდექსი“ და საქართველოს პარლამენტის რეგლამენტით დადგენილი წესით, 5 წლის ვადით, ირჩევს საქართველოს პარლამენტი ან ნიშნავს საქართველოს პრეზიდენტი, ხოლო ცესკოს არაუმეტეს 9 წევრს საარჩევნო კოდექსით დადგენილი წესით ნიშნავენ პარტიები. საქართველოს პარლამენტის 2024 წლის 26 ოქტომბრის არჩევნების შედეგების შესაბამისად, ცესკოს თითო წევრის დანიშვნის უფლება მოიპოვა ხუთმა პარტიამ, შესაბამისად, საქართველოს პარლამენტის 2024 წლის 26 ოქტომბრის არჩევნების შედეგებიდან გამომდინარე, ცესკო შედგება არაუმეტეს 13 წევრისაგან. ცესკოს თავმჯდომარეს საქართველოს პარლამენტი ირჩევს/საქართველოს პრეზიდენტი ნიშნავს ცესკოს წევრის საქართველოს პარლამენტის მიერ არჩევისთვის/საქართველოს პრეზიდენტის მიერ დანიშვნისთვის საარჩევნო კოდექსითა და საქართველოს პარლამენტის რეგლამენტით დადგენილი წესით. ცესკოს თავმჯდომარის უფლებამოსილების ვადაა 5 წელი. სამართლიანი, სანდო, გამჭვირვალე არჩევნების ორგანიზებასა და ჩატარებას უზრუნველყოფს ცესკოს აპარატი, რომელიც მასში შემავალი სტრუქტურული ერთეულების მეშვეობით, ახორციელებს საარჩევნო ადმინისტრაციის საქმიანობის ორგანიზაციულ, სამართლებრივ და ტექნიკურ მხარდაჭერას, ცესკოს საქმიანობის ხელშეწყობას

საიტის მისამართი: cesko.ge